Potgooi: Diane Victor gesels oor haar eksperimentele benadering tot kuns

Diane Victor is so ‘n interessante kunstenaar, volgens Johan Myburgh, kunsredakteur van Beeld, omdat sy ‘n mens altyd verras met haar tegniek en temas. Myburgh het op die radioprogram RSG-kuns dié kunstenaar se werk bespreek.

In Victor se uitstalling Ashes to Ashes and Smoke to Dust, wat tans by die Universiteit van Johannesburg Kunsgallery te sien is, werk sy met die eksperimentele mediums rook en as.

Victor het op RSG-kuns gesê dat sy deur uitdagings gedryf word. “As iemand vir my sê dat ek iets nie kan doen nie, probeer ek dadelik ‘n manier vind om dit te doen,” sê sy. Luister na die potgooi:

 

 Daine Victor : Play Now | Play in Popup | Download

• Laai dit nie? Luister op RSG

Boekbesonderhede

• TAXI-013: Diane Victor deur Karen von Veh
  Boek se tuisblad
  EAN: 9780958497589
  Spoor hierdie boek met BOOK Finder op!

Foto te danke aan Liz at Lancaster

Janice Keogh gesels met Deborah Bell oor Artemis with Dog I, II & II

Toe die kunstenaar Deborah Bell aan die vier meter hoë bronsbeeld van Diana, getiteld Artemis with Dog I, II & II, begin werk het, het “mense net die kop geskud – amper soos met Noag van ouds”.

Dit was net iets wat sy móés doen, het Bell aan Janice Keogh gesê. Die kunstenaar het egter self nie besef hoe groot en anders die beeld as haar vorige uitbeeldings van Diana sou wees nie. Sy was aangenaam verras. “Ek weet nooit hoe my werk gaan lyk wanneer dit klaar is nie, en dít is hoekom ek my met kuns ophou. Dit gaan oor die avontuur.”

Artemis with Dog I, II & III, en sowat 70 ander kunswerke deur Bell, is tans by die Circa- en Everard Read-galerye te sien.

In die linkerhoek van die galery staan sy by haar honde. Gewapen en reus- agtig. Diana.

Sy troon bo die besoekers uit en oortref almal, haar skepper inkluis, se liggaamsgewig met byna ’n ton.

Maar die hande wat haar geskep het is fyn, die kunstenaar petite. Deborah Bell is ’n klein vrou – byna miniatuur in die skadu van haar grootse skepping. “Ek is soms geskok om te sien hoe ek op foto’s in vergelyking met ander lyk. Maar miskien is dit my lengte wat veroorsaak dat ek dinge anders sien,” het sy vroeër aan die joernalis Robyn Sassen gesê.

• Lees die volledige artikel in Beeld

Boekbesonderhede

• Deborah Bell’s Alchemy deur Juliet White
  Tuisblad
  EAN: 9780954975241
  Find this book with BOOK Finder!

Foto te danke aan Beeld

Video: Willem Boshoff gesels oor sy kunswerke op Kwêla

Willem Boshoff se kuns is wêreldwyd bekend en hy word as een van die belangrikste kunstenaars in Suid-Afrika gereken. Tog het hy in ‘n onderhoud op Kwêla gesê dié titel is vir hom glad nie belangrik nie. Hy geniet net sy kuns.

In die volgende video gesels Boshoff oor sy kunswerk, Kring van kennis, wat voor die Universiteit van Johannesburg aangebring is. Dit bestaan uit elf klippe waarop daar woorde uit elkeen van die amptelike Suid-Afrikaanse tale geskryf is. Boshoff verduidelik dat hierdie woorde sogenaamde “-ismes” of vakgebiede is wat ‘n mens dalk in die universiteitsgeboue sal raakloop.

• Laai dit nie? Kyk op KykNET

In die tweede deel van die Kwêla-onderhoud praat Boshoff oor sy Woordeboek vir blindes wat uit rye staal bokse bestaan, met die kennisgewing dat ‘n mens dit nie mag aanraak nie. Daar is egter Braille skrif op die bokse en blindes wat nie die kennisgewing kan sien nie, vat aan die bokse, maak dit oop, lees die Braille en voel aan die voorwerpe binne-in. Mense wat wel kan sien moet dan vir die blindes vra om vir hulle te sê wat in die bokse is.

• Laai dit nie? Kyk op KykNET

Boekbesonderhede

• Taxi-011: Willem Boshoff deur Ivan Vladislavic
  Tuisblad
  EAN: 9780958468824
  
  » read article